Бямба гарагийн эхээр Киргизэд болсон их хэмжээний хөрсний нуралтын улмаас 24 хүртэлх хүн амиа алдсан гэж Киргизийн Онцгой байдлын яамны урьдчилсан мэдээллээс иш татан Интерфакс мэдээлэв.

Хөрсний нуралт тус улсын өмнөд хэсэгт орших нэгэн тосгоны долоон байшинг даржээ.

Тухайн үед байшиндаа байсан хохирогчдыг шавар, нуранги дор булсан гэж үзэж байна гэж яам нэмж хэллээ.

Онцгой байдлын яамны албан тушаалтнуудын мэдээлж байгаагаар одоогоор 100 орчим аврагч голомтод ажиллаж байна.